كتير من الشباب فى الايام دى بيحاول يجمل فى شكله وهيئته ولبسه وده مش حاجة وحشة ولكن فى حدود لده اهتم بنفسك بس لبسك يكون محترم مش كل حاجة طالعة موضة ينفع تلبسها ومش اى لون ممكن تلبسه اهتم بشعرك اه بس بلاش التسريحات المستفزة اللى بنشوفها فى الشوارع مش اى تقليعة من اى حد مشهور ينفع تتعمل .
طبعا فى شباب كتير عايز يبقى روش ومقطع السمكة وديلها ويعلاف بنات كتير ويصاحب ويسيب دى ويخرج مع دى ويسهر مع دى .
فكرة طيب للحظة وبعدين وبعد ما تعمل ده كله انت كده راضى عن نفسك ؟
تفتكر ربنا راضى عنك ؟
هل ترضى اختك او مراتك او بنتك تعمل اللى انت بتعمله ؟
داين تدان . يعنى كل اللى هتعمله فى بنات الناس ربنا هيخلى الناس تعمله فى اهلك واقرب الناس ليك .
خليك شيك بس محترم
شكلك كويس مش مستفز
شعرك شكله كويس مش زى البنات او الهبل اللى بنشوفه اليومين دول
حافظ على نفسك عشان ربنا يديلك اللى حافظت على نفسها
متلعبش ببنات الناس عشان ربنا يحافظلك على بناتك واهلك
اعمل لاخرتك وربنا هيرزقك اجمل بنات الحور العين
حافظ على مراتك واتمسك بدينك وخليك فى اللى يرضى ربنا هيرزقك ربنا الجنه ويخلى مراتك اجمل من الحور العين
فكر كويس وبلاش تبيع الاخرة بالدنيا .