الصفحة الرئيسيةلوحة التحكمتسجيل عضوية

<


HomeLatest imagesSearchRegisterLog in

منتديات احلي اصحاب :: المنتديات العامه :: منتدى الشعر والادب

التحالف يعيش أهل بلدي
Share

التحالف يعيش أهل بلدي   EmptyWed Mar 05, 2014 1:17 pm
المشاركة رقم:
المعلومات
الكاتب:
اللقب:
..:: المدير العام ::..
الرتبه:
..:: المدير العام ::..
الصورة الرمزية

avatar

البيانات
 بلدي *: بلدي *: : مصر
 مزاجي *: مزاجي *: : التحالف يعيش أهل بلدي   Mashos10
الجنس: الجنس: : Male
مساهماتي: مساهماتي: : 151
تاريخ التسجيل: : 2014-02-28
التوقيت

الإتصالات
الحالة:
وسائل الإتصال:
https://ahmed.0wn0.com

PostSubject: التحالف يعيش أهل بلدي


التحالف يعيش أهل بلدي





يعيش أهل بلدي

وبينهم ما فيش

تعارف

يخلي التحالف يعيش

تعيش كل طايفه

من التانيه خايفه

وتنزل ستاير بداير وشيش

لكن فى الموالد

يا شعبي يا خالد

بنتلم صحبه

ونهتف .. يعيش

يعيش أهل بلدي

يعيش المثقف على مقهى ريش

يعيش يعيش يعيش

محفلط مزفلط كتير كلام

عديم الممارسه

عدو الزحام

بكام كلمة فاضيه

وكام اصطلاح

يفبرك حلول المشاكل قوام

يعيش المثقف

يعيش يعيش يعيش

يعيش أهل بلدي

يعيش التنابله

فى حي الزمالك

وحى الزمالك

مسالك مسالك

تحاول تفكر تهوب هنالك

تودر حياتك

بلاش المهالك

لذلك إذا عزت توصف حياتهم

تقول الحياة عندنا

مش كذلك

وممكن تشوفهم فى وسط المدينه

اذا مر جنبك

أتومبيل سفينه

قفاهم عجينه

كروشهم سمينه

جلودهم بتضوي

دماغهم تخينه

سنانهم مبادر تفوت فى الجليد

ما فيش سخن بارد

بياكلوا الحديد

ما دام نهر وارد

وجاي م الصعيد

تزيد الموارد

كروشهم تزيد

وتسمع وتسلم

بأن التنابله

أو الأكالين

حيسمح كبيرهم

ويعمل مقابله

مع الفلاحين

ويحصل تحالف

ما بين الجميع

ونملا المصارف

بدم القطيع

أطيع الخليفه

أطيع والديك

أطيع التنابله

دا مفروض عليك

وتزرع وتبعت لحي الزمالك

وحي الزمالك

مسالك مسالك

تحاول تفكر تهوب هنالك

تودر حياتك بلاش المهالك

لذلك

إذا حد جاب لك سيرتهم

تبسمل تكبر

وتهتف كذلك

يعيش التنابله

يعيش يعيش يعيش

يعيش أهل بلدي

يعيش الغلابه

فى طي النجوع

نهارهم سحابه

وليلهم دموع

سواعد هزيله

لكن فيها حيله

تبدر تخضر جفاف الربوع

مكن شغل كايرو

ما يتعبش دايره

لا ياكل

ولا حتى يقدر يجوع

يا غلبان بلدنا

يا فلاح يا صانع

يا شحم السواقي

يا فحم المصانع

يا منتج

يا مبهج

يا آخر حلاوه

يا هادي

يا راضي

يا عاقل

يا قانع

ما تتعبش عقلك

فى شغل السياسه

وشوف انت شغلك

بهمه وحماسه

وعود عيالك فضيله الرضا

لأن إحنا طبعا

عبيد القضا

ورزقك ورزقي ورزق الكلاب

دا موضوع مؤجل ليوم الحساب

كمان الصحافه

حتكتب فى حالتك

وتنشر مناظر لخالك وخالتك

وتتطلع يا مسعد عليك الغناوي

وتسمع باسمك

فى قلب القهاوي

تحبك مشيره وبنات الجزيره

وقصه غرامك

تشيع فى الرداوي

يعيش عم مسعد

يعيش يعيش يعيش

يعيش أهل بلدي






الموضوع الأصلي : التحالف يعيش أهل بلدي المصدر : منتديات احلي اصحاب الكاتب:Ahmed


توقيع : Ahmed





  





 
الإشارات المرجعية



الــرد الســـريـع
..




الذين يشاهدون محتوى الموضوع الآن : 20 ( الأعضاء 3 والزوار 17)






التحالف يعيش أهل بلدي   Collapse_theadتعليمات المشاركة
Permissions in this forum:
You cannot reply to topics in this forum

BB code is متاحة
كود [IMG] متاحة
كود HTML معطلة


Bookmark and Share


Loading...